Dobri ye to tym nevistam v krayu,
Chtory muziv v Ameryci mayut.
Muzi robyat, pretyazko pracuyut,
A pinyazi do krayu shykuyut.

Shykuye yiy, yak virniy hazdyni,
Zeby ona kupyla osmyny.
Ale ona na osmyny ne dbat,
Lem ked ona vse novy chyzmy mat.

Novy chyzmy ona maty musyt,
A tak ona svoho muza lupyt.
Yak zahraye vo spolku muzyka,
Ona persha, yak choc chtora divka.

Stane sobi do shoru od krayu,
A tak na nyu paribci dzmurkayut:
– Pod'te, chlopci, bo bude hostyna,
Pid pazuchoy chlib i solonyna.

A vy, dity, idte do suseda,
Bo tu po vas nit zadna potreba,
Bo tu prydut divky z paribkamy,
Prenochuyte u susida sami!

A yak dity rano povstavaly,
A chto ze yim fryshtechok navaryt?
Matka lezyt, bo yu bolyt hlava,
Bo cilu nich v spolku tancyuvala.

– A vy, tatu, v tym dalekim sviti,
Ne znayete, yak nam tyazko zyty,
Pryd'te, tatu, ta nam fryshtech date,
Uvydyte, yaku zenu mate.